ബദല്‍ സ്കൂള് അധ്യാപകര്‍ക്ക് ശമ്പളം നല്‍കാന്‍ നടപടി
സംസ്ഥാനത്തെ
ബദല്‍ സ്കൂള് അധ്യാപകര്‍ക്ക് കുടിശികയുള്ള ശമ്പളം നല്‍കാന്‍ സര്‍ക്കാര്‍
ഉത്തരവ് പുറപ്പെടുവിച്ചതായി വിദ്യാഭ്യാസ മന്ത്രിയുടെ ഓഫീസ് അറിയിച്ചു.
ഇതനുസരിച്ച് ഏപ്രില്‍, മെയ്, ജൂണ്‍ മാസങ്ങളിലെ ശമ്പളം നല്‍കാനുള്ള തുക
എല്ലാ ജില്ലകളിലെയും വിദ്യാഭ്യാസ ഡപ്യൂട്ടി ഡയറക്ടര്‍മാര്‍ക്കും
കൈമാറിയിട്ടുണ്ടെന്നും മന്ത്രിയുടെ ഓഫീസ് അറിയിച്ചു. അടച്ചുപൂട്ടല്‍
ഭീഷണയിലായിരുന്ന ബദല്‍ സ്‌കൂളുകളെ നിലനിര്‍ത്തുന്നതിനുള്ള ചരിത്രപരമായ
തീരുമാനം എടുത്തത് ഈ സര്‍ക്കാര്‍ ആണ്. സംസ്ഥാനത്തിന്റെ വിവിധ ഭാഗങ്ങളിലായി
പ്രവര്‍ത്തിക്കുന്ന മൂന്നൂറ്റി അറുപതോളം ബദല്‍ വിദ്യാലയങ്ങളാണ് ഇങ്ങനെ
സര്‍ക്കാര്‍ സ്‌കൂളുകള്‍ ആകാന്‍ പോകുന്നത്. ആദ്യഘട്ടത്തില്‍ 111 ബദല്‍
വിദ്യാലയങ്ങള്‍ പ്രൈമറി സ്‌കൂളുകളാക്കി ഉയര്‍ത്താന്‍ തീരുമാനിച്ചിട്ടുണ്ട്.
പത്ത് ബദല്‍ വിദ്യാലയങ്ങള്‍ ഈവര്‍ഷം തന്നെ പ്രൈമറി സ്‌കൂളുകളാക്കി
ഉയര്‍ത്തുന്നതിനായി 2.75 കോടി രൂപ അനുവദിച്ചിട്ടുണ്ട്
No comments:
Post a Comment